Celine Dion nuk është duke kërkuar për një dashuri të re. Më shumë se një vit pas humbjes së bashkëshortit, Rene Angelil, për shkak të kancerit, këngëtarja e hitit “My Heart Will Go On” ka ndarë opinionin e saj, nëse në një perspektivë të afërt do të dalë sërish me dikë.
“Tani është definitivisht shumë shpejt për mua. Jam totalisht e dashuruar dhe e martuar me të. Ai është dashuria e jetës sime. Është shumë e vështirë për mua ta shikoj veten me një njeri tjetër. Dashurinë që kam për të, e jetoj çdo ditë. Dhe si një grua, kam emocione që ikin dhe vijnë, por gjithmonë me të. Kur këndoj, është me të. Kur përqafoj fëmijët e mi, është gjithmonë për të dhe me të.”, tha ajo.
Celine ishte vetëm 12 vjeç kur e ëma i prezantoi Rene-n. Nisi si një marrëdhënie profesionale dhe u shndërrua në një martesë dhe dashuri të përjetshme.
Burimi i lajmit: http://www.eonline.com/news/844759/celine-dion-finds-it-very-difficult-to-picture-her-life-with-another-man-after-rene-angelil-s-death
Burimi i fotos: https://www.instagram.com/p/BS90ZrvARa_/?taken-by=celinedion&hl=en