Ajo emocionoi jurinë dhe publikun e “The voice kids” në Top Channel. Historia e saj preku me mijëra njerëz dhe dhembsuria që zëri dhe portreti i saj ngjall tek kushdo është e jashtzakonshme.
Danjela Toçi, 13-vjecarja nga Kukësi që “shkëlqeu” me zërin e saj në “The Voice” vjen në një rrëfim ekskluziv në “Top Show Magazine”.
Danjela jeton me gjyshen e sëmurë, motrat dhe vëllanë e saj në një shtëpi tejet modeste ku shumëçka prej sendeve që jemi mësuar të shohim në shtëpitë tona mungon.
E teksa flet për vëllanë e saj me nevoja të veçanta në “Top Show Magazine” ajo është përlotet. “Dëshira më madhe që kam është që vëllai im me ‘aftësi speciale’, të përmirësohej më shumë, që edhe ai të shkojë në shkollë si të tjerët. Falenderoj zotin që e kanë pranuar tek kopshti i fëmijëve”, thotë Danjela.
Por ajo që e karakterizon Danjelën është natyra e saj pozitive. Mirënjohëse ndaj çdo gjëje që ka në jetë ajo dëshiron të shijojë çdo eksperiencë.
“Më pëlqen muzika, por dëshiroj të bëhem veterinere, që të shëroj kafshët. Më pëlqen të jetoj në fshat, më pëlqen jeta origjinale”, është shprehur Danjela.
https://www.facebook.com/tch.topshow/videos/10155190512711269/
Video&Foto: https://www.facebook.com/tch.topshow/videos/10155190512711269/