Bill dhe Melinda Gates kanë njoftuar vendimin e tyre për tu divorcuar pas 27 vitesh martesë por do të vazhdojnë të punojnë së bashku në fondacionin e tyre, një zhvillim që tronditi botën e filantropisë.
Bill, themeluesi miliarder i Microsoft dhe Melinda, një autor dhe një biznesmene, njoftuan vendimin e tyre për t’u ndarë të hënën në një deklaratë identike të postuar në llogaritë e tyre individuale në Twitter.
“Gjatë 27 viteve të fundit, ne kemi rritur tre fëmijë të mrekullueshëm dhe kemi ndërtuar një fondacion që punon në të gjithë botën për të mundësuar që të gjithë njerëzit të bëjnë jetë të shëndetshme dhe produktive”, lexohet në deklaratë. “Ne vazhdojmë të ndajmë një besim në atë mision dhe do të vazhdojmë punën tonë së bashku në fondacion, por nuk besojmë më se mund të rritemi së bashku si çift në këtë fazë të ardhshme të jetës sonë.”
Çifti, i cili u takua në Microsoft dhe u martua në Hawaii në 1994, kërkoi privatësi.
Një kërkesë e përbashkët për zgjidhjen e martesës të paraqitur nga çifti në Gjykatën Superiore të King County në Seattle deklaroi: “Martesa është prishur në mënyrë të pakthyeshme”.
Çifti i kërkoi gjykatës të miratojë marrëveshjen e tyre mbi ndarjen e pasurive por nuk zbuloi detaje, sipas agjencisë së lajmeve Reuters.
Linku: https://www.aljazeera.com/news/2021/5/3/bill-and-melinda-gates-announce-divorce
Burimi i fotos: https://www.instagram.com/p/B1MAB9TA6lh/?utm_source=ig_web_copy_link