Aktorja shumë e njohur e Hollywood, Sandra Bullock, e cila i ka dhuruar publikut shumë emocione përmes performancës së saj në filma shumë ndjekur si “The Blind Side” ka konfirmuar se është koha për të marrë një pushim.
Gjatë një bisede me “The Hollywood Reporter”, Bullock u shpreh se karrierës së saj që ka zgjatur më shumë se 30 vjet i ka ardhur fundi.
“Unë nuk dua të jem e përkushtuar ndaj orarit të askujt tjetër përveç orarit tim. Jam shumë e lodhur dhe nuk jam e aftë të marr vendime të shëndetshme dhe e di këtë gjë”.
Aktorja është shprehur edhe në intervista më parë, se e merr punën e saj “shumë seriozisht” kur i ofrohet një rol për një film të ri. Pasi luajti në rreth 50 filma gjatë gjithë viteve, Bullock ndihet e rraskapitur dhe dëshiron të kalojë kohë të plotë me fëmijët dhe familjen e saj.
Ajo konfirmoi se kjo është një nga arsyet kryesore për t’u larguar nga aktrimi, përveçse është edhe një sfidë personale. Ajo u shpreh se e kuptoi se ndihej vazhdimisht e pakënaqur edhe pas sukseseve të shumta të saj.
Kujtojmë se këtë vit u shfaq premiera e komedisë aventureske e Sandra Bullock, “The Lost City”.
Burimi i fotos: https://www.instagram.com/p/CcQc4cXsbob/?utm_source=ig_web_copy_link