Gjatë spektaklit të kaluar të “Big Brother VIP”, banorëve iu komunikua lajmi i trishtë për sulmin e Top Channel.
Luizi u pa i prekur dhe u shpreh se personin që mbeti vrarë, Pal Kola e njihte personalisht.
Madje këngëtari u shpreh se nëse ai do të ishte fitues i çmimit të madh, një pjesë të parave do t’ia jepte familjes së të ndjerit.
Mirëpo Olta as në këtë rast nuk i ka ndalur provokimet ndaj Luizit.
Teksa qëndronin në oborr Olta është munduar të vë në siklet Luizin duke ‘i kërkuar llogari’ se pse ai nuk ka dhuruar paratë e fituara nga 8s2.
“Ajo pjesa që the mbrëmë se do dhurojë një pjesë të lekëve që do fitosh, jepja që tani ato 1 mijë eurot që ke marrë nga 8s2, mos prit 6 majin, se mbase nuk fiton”, është shprehur Olta.
“Do t’i jap shumë më tepër, kur të dal. Edhe po nuk fitova do të dhuroj shumë më tepër, se e njoh familjarisht”, është shprehur Luiz.
As ky premtim i Luizit nuk ia ka mbushur mendjen Oltës.
Luizi më pas i ka thënë që të shkojë të pyesë në dhomën e rrëfimit pasi sipas tij ai ka dhuruar 1500 € famijes së të ndjerit.
Kjo përgjigje ka lënë pa fjalë Oltën.
Burimi i fotos: https://www.instagram.com/bigbrotheralb_vip/