Jehona e mediave të huaja për pushime të paharrueshme dhe mbi të gjitha të lira, vijon të pasqyrohet nga tabloidet ndërkombëtare.
Britanikja “Daily Mail” ka publikuar një artikull të një eksperti udhëtimesh i cili shprehet se Riviera Shqiptare është sekreti më i bukur i pushimeve në Evropë dhe është e lirë, duke sjellë si shembull në artikull 1 kanë verë kushton 4 Pound.
Riviera Shqiptare ofron ujëra blu të pastër, plazhe me rërë apo ato me shkëmbinjë dhe qetësi.
Media britanike shkruan se Saranda është qyteti më i njohur i Rivierës dhe ia vlen të eksplorohet, duke përfshirë zona si Ksamili, Dhërmiu dhe Vuno që joshin gjithnjë e më tepër udhëtarët.
Nëse doni të përjetoni bukurinë e një vendi për të cilin pothuajse të gjithë kritikët e pranojnë se është thjesht i mrekullueshëm, ai është Ksamili. Për shkak se turistët tërhiqen nga ujërat blu kristal, një tjetër vend që duhet të vizitohet përgjatë rivierës shqiptare është edhe “Syri i Kaltër”, nënvizohet në artikullin e “Daily Mail”.
Riviera Shqiptare mund të vizitohet nga muaji Maji deri në Tetor përfundon shkrimi i prestigjiozes britanike.
Foto: Freepik.com