Pas përfundimit të natës finale dhe daljes nga shtëpia, Dolce ka reaguar për herë të parë lidhur me komentet dhe kritikat që ka marrë në rrjetet sociale. Në një intervistë të dhënë së fundmi, ajo foli hapur për përballjen me reagimet e shumta të publikut, duke theksuar se ishte e përgatitur për çdo gjë që do të vinte pas eksperiencës së saj televizive.
“Reagime të shumta, shumë kritika, normal, atë e dija dhe e di shumë mirë ku jetojmë. I prisja, normal, nuk mërzitem,” – u shpreh ajo, duke lënë të kuptohet se komentet negative nuk kanë qenë një surprizë për të.
Dolce theksoi se, pavarësisht zërave kritikë, mbështetja dhe dashuria që ka marrë nga fansat kanë qenë shumë më të mëdha. Sipas saj, energjia pozitive dhe mesazhet inkurajuese kanë peshuar më shumë se çdo koment ofendues.
“Kam pasur kaq shumë dashuri dhe njerëzit që më duan janë shumë më shumë se disa që mund të ofendojnë ose të më thonë ndonjë fjalë,” – shtoi ajo.
Ish-banorja u shpreh gjithashtu se ka zgjedhur të mos i kushtojë vëmendje mesazheve negative dhe të mos përfshihet në debate apo polemika. Ajo theksoi se nuk i afrohet njerëzve që merren me llafe dhe se preferon të fokusohet tek gjërat pozitive në jetën e saj dhe tek projektet që e presin në vijim.
Deklarata e saj ka ngjallur reagime të shumta në rrjet, ku ndjekësit e kanë mbështetur për qetësinë dhe qëndrimin e saj të matur përballë kritikave. Për Dolce, duket se eksperienca në shtëpi ka qenë një sfidë jo vetëm brenda formatit, por edhe jashtë tij, në përballjen me opinionin publik.
Megjithatë, ajo shfaqet e vendosur për të ecur përpara, duke treguar se kritikat janë pjesë e realitetit të personazheve publikë, por nuk e përcaktojnë vlerën e tyre.
Burimi: https://www.instagram.com/dolce_dolce13
Foto:https://www.instagram.com/dolce_dolce13