Një debat i ashpër ka ndodhur gjatë ditës së sotme në shtëpinë e “Big Brother VIP Albania”, ku protagonistë ishin Miri dhe Mateo. Situata u tensionua pasi Mateo i riktheu një deklaratë që Miri kishte bërë në Prime-in e kaluar në dhomën e rrëfimit.
Në atë moment, Miri kishte pranuar se kishte një pëlqim për Selinën dhe se e vlerësonte mënyrën se si ajo po e zhvillonte lojën në shtëpi. Kjo deklaratë duket se nuk është pritur mirë nga Mateo, i cili vendosi ta përballë drejtpërdrejt me këtë temë.
Gjatë një bisede në oborr, Mateo i drejtoi Mirrit disa pyetje provokuese, duke e vendosur në një situatë të sikletshme. Ai e pyeti hapur nëse do të ishte i gatshëm të ndahej nga bashkëshortja e tij për Selinën, gjë që e tensionoi menjëherë atmosferën mes tyre.
Miri reagoi i revoltuar ndaj këtyre pyetjeve, duke theksuar se jeta e tij bashkëshortore nuk duhet të bëhet pjesë e diskutimeve në shtëpi dhe duke mbrojtur marrëdhënien me gruan e tij.
Debati u ashpërsua edhe më shumë kur në bisedë ndërhyri Juela, e cila i tha Mateos se po përpiqej të imitonte strategjinë e Rogertit duke provokuar banorët e tjerë. Sipas saj, mënyra se si Mateo po e ngrinte këtë çështje ishte e papërshtatshme.
Përplasja mes banorëve vazhdoi me tone të larta, ndërsa Miri i kërkoi Mateos të mos përmendte më bashkëshorten e tij në diskutim. Nga ana tjetër, Mateo këmbënguli që pyetja e tij ishte e drejtpërdrejtë dhe lidhej me deklaratat që Miri kishte bërë më parë.
Ky debat është një tjetër moment tensioni në shtëpinë e Big Brother VIP Albania, ku marrëdhëniet mes banorëve vazhdojnë të përfshihen shpesh nga përplasje dhe diskutime të forta.
Burimi:https://www.instagram.com/mateo.borri/
Foto:https://www.instagram.com/mateo.borri/