Kylie Jenner dhe Timothée Chalamet janë rikthyer sërish në qendër të vëmendjes mediatike, pas një daljeje të përbashkët që ka bërë xhiron e rrjeteve sociale dhe mediave rozë.
Çifti u pa në tribunat e Madison Square Garden në New York City, ku ndoqën nga afër ndeshjen mes New York Knicks dhe Atlanta Hawks – një nga përballjet më të rëndësishme të javës në NBA. Prania e tyre në një event kaq të ndjekur nuk kaloi pa u vënë re, sidomos pasi u shfaqën mes një sërë figurash të njohura të showbiz-it.
Jenner ishte ulur mes partnerit të saj dhe aktorit të njohur Ben Stiller, ndërsa pranë tyre ndodheshin edhe emra si Tina Fey dhe Tracy Morgan, duke e kthyer tribunën në një “paradë” yjesh.
Atmosfera e ndeshjes ishte elektrizuese, pasi Knicks po luanin një sfidë vendimtare në raundin e parë të Konferencës Lindore, çka shtoi edhe më shumë interesin e publikut – si për rezultatin, ashtu edhe për VIP-at në tribunë.
Për këtë dalje, Kylie Jenner kishte zgjedhur një stil casual, por shumë të kuruar: xhinse të bardha me detaje metalike, një kanotierë të bardhë dhe një xhaketë lëkure të zezë, duke tërhequr vëmendjen e fotografëve dhe fansave.
Romanca mes Jenner dhe Chalamet daton që nga viti 2023 dhe prej atëherë çdo paraqitje e tyre e përbashkët ka qenë në fokus të mediave. Dalja e fundit shihet nga shumë si një tjetër tregues se marrëdhënia e tyre po vazhdon të forcohet, pavarësisht angazhimeve të shumta profesionale të të dyve.
Ndërkohë, fansat vazhdojnë të analizojnë çdo detaj nga kjo dalje, duke e bërë çiftin një nga më të komentuarit e momentit në botën e showbiz-it.
Burimi;https://people.com/kylie-jenner-timothee-chalamet-knicks-date-courtside-playoffs-game-11960879
F oto: https://www.instagram.com/kyliejenner