Ronela Hajati ka ndarë me ndjekësit një rrëfim emocional, përmes të cilit ka folur hapur për vështirësitë që ka përjetuar dhe dëshirën për të rigjetur qetësinë shpirtërore.
Në një postim në Instagram Story, këngëtarja ka treguar se gjatë këtij viti është lutur mbi të gjitha për paqe dhe për një gjendje emocionale më të qetë.
Ronela shprehet se ka qenë besnike dhe e përkushtuar, ndërsa ka dashur me gjithë qenien e saj. Ajo tregon se ka pritur me durim dhe ka vazhduar të punojë fort edhe gjatë ditëve kur mendonte se nuk do të arrinte t’ia dilte.
Artistja ka përmendur gjithashtu netët pa gjumë, lotët dhe mendimet e shumta që e kanë rënduar emocionalisht. Pavarësisht momenteve kur ka gjykuar veten, ajo është përpjekur të ruajë buzëqeshjen dhe të vazhdojë përpara.
Në përfundim të mesazhit, Ronela i drejtohet Zotit me një lutje prekëse, duke kërkuar që në jetën e saj të rikthehet lumturia.
“Zot, të lutem, ma kthe lumturinë. Mos lejo më lot dhe trishtim në jetën time”, ka shkruar këngëtarja.
Ndonëse nuk ka treguar konkretisht se çfarë e ka shkaktuar këtë gjendje, postimi i saj ka zbuluar një anë të ndjeshme të artistes dhe periudhën e vështirë që ajo duket se ka kaluar.
Burimi;https://www.instagram.com/ronelahajatiofficial/?hl=en
Foto; https://www.instagram.com/ronelahajatiofficial/?hl=en