Krijuesi i serialit falënderoi fansat për mbështetjen ndër vite, duke e quajtur realizimin e serialit “udhëtimi i jetës”.
“Faleminderit që na lejuat të bëhemi pjesë e jetës suaj, duke frymëzuar ëndrrat tuaja për udhëtime dhe dashurinë për Parisin”, u shpreh Darren Star.
Edhe protagonistja Lily Collins ndau një mesazh emocionues për fansat, duke treguar se ndihet mirënjohëse për gjashtë vitet e kaluara në rolin e Emily Cooper. Ajo premtoi se sezoni final do të sjellë gjithçka që publiku ka dashur nga seriali, duke e mbyllur historinë në mënyrë speciale.
Seriali ndjek jetën e Emily-t, një drejtuese marketingu nga Chicago, e cila zhvendoset në Paris dhe përballet me sfida profesionale, histori dashurie dhe botën magjepsëse të modës franceze. Që nga debutimi në vitin 2020, seriali është kthyer në një fenomen global dhe një nga produksionet më të ndjekura të Netflix-it.
Në sezonin final do të rikthehen edhe Ashley Park, Lucas Bravo, Lucien Laviscount, Samuel Arnold dhe Bruno Gouery. Ndërkohë, Netflix ka bërë të ditur se xhirimet kanë nisur në Greqi, ndërsa disa skena do të realizohen edhe në Paris dhe Monako. Data zyrtare e publikimit ende nuk është zbuluar.
Burimi;https://ew.com/lily-collins-led-emily-in-paris-to-end-with-season-6-on-netflix-11981293
Foto:https://www.instagram.com/emilyinparis/?hl=en