Pas ditësh spekulimesh në rrjetet sociale dhe dyshimeve të ngritura nga fansat, Brikena Selmani ka konfirmuar zyrtarisht ndarjen nga partneri i saj, Mateo.
Ish-banorja e “Big Brother VIP Albania” ka zgjedhur të thyejë heshtjen përmes një mesazhi të publikuar në kanalin e saj në Instagram, ku ka sqaruar situatën pas interesimit të madh të ndjekësve.
“Nuk e kam pasur të lehtë të flas për këtë, por po, unë dhe Mateo nuk jemi më bashkë”, ka shkruar Brikena, duke konfirmuar fundin e marrëdhënies së tyre.
Ajo theksoi se ndarja nuk ka ardhur si pasojë e mungesës së respektit dhe kërkoi që të mos krijohen histori apo aludime të pavërteta rreth asaj që ka ndodhur mes tyre.
Brikena u shpreh se vazhdon të ketë respekt dhe mirënjohje për Mateon, duke e cilësuar atë si një person të rëndësishëm në jetën e saj. Sipas saj, ndonjëherë rrugët e njerëzve ndahen natyrshëm, pa pasur nevojë për fajësime apo urrejtje.
Në fund të reagimit, ajo zbuloi se ka vendosur të largohet përkohësisht edhe nga disa grupe në rrjetet sociale, pasi diskutimet dhe komentet e vazhdueshme rreth ndarjes po ndikojnë emocionalisht tek ajo.
Ish-banorja e BBVA falënderoi fansat për mbështetjen dhe dashurinë e treguar ndër vite, ndërsa kërkoi mirëkuptim, qetësi dhe kohë për të përballuar këtë periudhë të vështirë personale.
Burimi;https://www.instagram.com/itsbriki/
Foto; https://www.instagram.com/itsbriki/