Finalja e spektaklit “Ferma VIP 3” u shoqërua me një moment që ngjalli debat të madh, pasi gjatë surprizës së organizuar për fituesen Mimoza Ahmeti u recituan poezi që, sipas saj, nuk ishin të shkruara prej saj.
Për herë të parë pas këtij episodi ka reaguar edhe aktorja e njohur Raimonda Bulku, e cila ishte pjesë e performancës së organizuar për finalen.
Në deklaratën e saj, Bulku u shpreh se situata ishte e papritur dhe se asnjë prej aktorëve nuk kishte dijeni për origjinën e materialeve që po interpretonin.
“Nuk më shkonte mendja që një produksion si ‘Ferma VIP’ do t’i merrte poezitë e Mozës nga interneti”, është shprehur aktorja.
Ajo la të kuptohet se tekstet u ishin dorëzuar nga produksioni dhe se aktorët nuk kishin marrë pjesë në përzgjedhjen apo verifikimin e tyre.
Momenti u bë viral gjatë transmetimit të finales, kur Mimoza Ahmeti ndërhyri ndërsa po recitoheshin vargjet, duke sqaruar se poezia nuk ishte e saj. Më pas, edhe aktorët në skenë sqaruan se kishin interpretuar materialet që u ishin vënë në dispozicion nga produksioni.
Ngjarja ka shkaktuar reagime të shumta në rrjetet sociale dhe ka hapur diskutime mbi rëndësinë e verifikimit të materialeve artistike në produksionet televizive, veçanërisht kur ato lidhen me autorë dhe vepra të njohura.
Burimi;https://www.instagram.com/raimonda_bulku/
Foto;https://www.instagram.com/raimonda_bulku/