Në pamjet, të cilat janë shpërndarë në platforma të ndryshme, pretendohet se Dolce shihet duke kaluar një mbrëmje në një lokal luksoz në Dubai, në shoqërinë e një mashkulli, për të cilin përdoruesit e rrjetit aludojnë se është partneri i saj.
Videoja ka nxitur menjëherë reagime dhe komente të shumta nga ndjekësit, të cilët kanë nisur të spekulojnë për jetën private të ish-konkurrentes. Edhe pse identiteti i personit që e shoqëron nuk është konfirmuar dhe vetë Dolce nuk ka bërë asnjë reagim publik lidhur me videon, kjo nuk i ka ndalur aludimet në rrjet.
Që prej përfundimit të eksperiencës së saj në Big Brother VIP Kosova, Dolce ka qenë aktive në rrjetet sociale, ku ndan momente nga udhëtimet, projektet dhe përditshmëria e saj. Megjithatë, ajo ka preferuar ta mbajë larg vëmendjes mediatike jetën sentimentale, duke mos konfirmuar publikisht një lidhje.
Dubai duket të jetë destinacioni i radhës i saj, ndërsa videoja e fundit ka bërë që emri i saj të rikthehet në qendër të diskutimeve. Në rrjet nuk kanë munguar komentet nga ata që i urojnë lumturi, por edhe nga të tjerë që kërkojnë një konfirmim nga vetë ajo.
Deri më tani, gjithçka mbetet në kuadër të spekulimeve, pasi nuk ka një deklaratë zyrtare nga Dolce lidhur me personin që shfaqet në video apo natyrën e raportit mes tyre. Megjithatë, pamjet vazhdojnë të qarkullojnë gjerësisht, duke e kthyer këtë në një nga temat më tëkomentuara të ditëve të fundit në rrjetet sociale.