Ardi dhe Mirodoni ishin së fundmi të ftuar në emisionin “Një kafe për Labin”, ku folën për karrierën e tyre, angazhimet profesionale dhe atmosferën në dasmat ku performojnë.

Të njohur nga publiku si dy djem me shumë humor, të cilët arrijnë të krijojnë atmosferë dhe t’i bëjnë të gjithë të qeshin, ata sollën energji pozitive edhe gjatë kësaj interviste. Batutat dhe momentet gazmore nuk munguan në asnjë çast të emisionit.

Gjatë bisedës, Ardi dhe Mirodoni folën edhe për mundësinë që në të ardhmen të bëhen pjesë e reality show-t “Ferma VIP”. Ata nuk e përjashtuan një eksperiencë të tillë, duke ngjallur interes te publiku për një pjesëmarrje të mundshme në format.

Prania e tyre në një program televiziv premton humor, dinamika interesante dhe shumë të qeshura, ndërsa mbetet për t’u parë nëse Ardi dhe Mirodoni do ta pranojnë sfidën e “Ferma VIP”.