Moti i ditës në Shqipëri paraqitet me një situatë relativisht të qëndrueshme, ku kthjellimet do të jenë prezente në pjesën më të madhe të territorit, por herë pas here do të ketë edhe kalime vranësirash, sidomos në zonat malore dhe verilindore. Këto vranësira në orët e pasdites mund të sjellin reshje të lehta dhe të shkurtra, kryesisht në relievet e larta, pa krijuar probleme.
Paraditja nis e freskët, me temperatura që në zonat malore zbresin rreth 6–8 gradë, ndërsa në ultësirën perëndimore luhaten nga 9 deri në 12 gradë. Me avancimin e ditës, temperaturat rriten gradualisht duke arritur vlera mjaft të këndshme pranverore, ku në qytetet e ultësirës si Tirana, Durrësi apo Fieri termometri shkon deri në 20–22 gradë, ndërsa në zonat jugore mund të prekë edhe 23 gradë.
Era do të fryjë e lehtë deri mesatare, kryesisht nga drejtimi veriperëndimor, duke sjellë herë pas here një ndjesi freskie, sidomos në zonat bregdetare. Në brigjet detare pritet një valëzim i lehtë, pa problematika për lundrimin.
Pasditja dhe mbrëmja do të jenë më të qëndrueshme, me kthjellime më të gjera dhe rënie graduale të temperaturave. Në përgjithësi, dita është e favorshme për aktivitetet në natyrë, duke ofruar një kombinim të mirë mes diellit dhe freskisë tipike pranverore.
Burimi;https://meteoalb.com/category/parashikimi-motit/
Foto: Freepik.com