Ndonëse ndarja e tyre është konfirmuar publikisht nga vetë Brikena Selmani, paraqitja e saj e fundit krah Mateos ka rikthyer menjëherë vëmendjen e publikut dhe ka ndezur reagime të shumta në rrjetet sociale.
Ish-çifti, i cili u bë një nga dyshet më të komentuara të edicionit të fundit të “Big Brother VIP Albania”, është parë sërish bashkë në publik për shkak të angazhimeve profesionale që vazhdojnë t’i lidhin. Kjo paraqitje ka habitur shumë ndjekës, veçanërisht pas deklaratave dhe zhvillimeve që shoqëruan ndarjen e tyre në javët e fundit.
Fotografitë dhe paraqitjet e përbashkëta kanë shkaktuar një valë komentesh në rrjet, ku shumë përdorues kanë vënë në pikëpyetje autenticitetin e ndarjes së tyre. Disa komentues kanë aluduar se situata mund të jetë përdorur për të tërhequr vëmendje mediatike, ndërsa të tjerë kanë kritikuar faktin që dyshja vazhdon të shfaqet bashkë pavarësisht ndarjes së konfirmuar.
“Epo të ndahet çifti dhe të punojë bashkë kur shumë mirë njëri mund të ishte tërhequr, bëhet për dy arsye. Ose shitet dinjiteti për lekë, ose e gjithë ndarja ka qenë një lojë”, shkruan një komentues, ndërsa reagime të tjera kanë qenë edhe më të ashpra, duke i cilësuar të dy si persona që po kërkojnë vëmendje përmes situatës së krijuar.
Megjithatë, as Brikena dhe as Mateo nuk kanë reaguar deri më tani ndaj kritikave që po qarkullojnë në rrjet. Mbetet e paqartë nëse raporti mes tyre është thjesht profesional apo nëse ka ende një afërsi që shkon përtej punës.
Ndërkohë, diskutimet rreth ish-çiftit vazhdojnë të dominojnë rrjetet sociale, duke i mbajtur ata në qendër të vëmendjes së publikut edhe pas përfundimit të historisë së tyre të dashurisë.
Burimi;https://www.instagram.com/itsbriki/
Foto; https://www.instagram.com/itsbriki/