Barack dhe Michelle Obama rrëfejnë anën personale të martesës: Jemi ekuilibri i njëri-tjetrit
Barack dhe Michelle Obama kanë folur hapur për dashurinë, sfidat dhe mbështetjen që i kanë dhënë njëri-tjetrit gjatë pothuajse 34 viteve martesë.
Në një intervistë të përbashkët për revistën “People”, ish-presidenti amerikan e përshkroi Michelle Obamën si një grua të veçantë, integriteti, inteligjenca dhe vlerat e së cilës e kanë ndihmuar të bëhet njeri më i mirë.
“Vetëm duke qenë me të, unë u bëra më i mirë dhe ajo vazhdon të më bëjë të tillë”, deklaroi Barack Obama.
Michelle, nga ana tjetër, tha se ata janë “ekuilibri i njëri-tjetrit”. Ajo pranoi se pa Barackun jeta e saj mund të kishte qenë e bukur, por më e kufizuar dhe me më pak ndikim.
Sipas ish-zonjës së parë, bashkëshorti i saj e ndihmoi të mendonte më gjerësisht për mundësitë që kishte, përtej profesionit si juriste. Ajo e cilësoi Barackun si njeriun që i dha kurajë dhe që e siguroi vazhdimisht se do të ishte pranë saj, pavarësisht uljeve dhe ngritjeve.
Ndërsa Michelle tha se bashkëshorti i zgjeroi horizontin, ish-presidenti theksoi se ajo është personi që e mban me këmbë në tokë.
Çifti kujtoi gjithashtu fillimet modeste të lidhjes në Çikago, takimet e para dhe apartamentin e vogël pa ajër të kondicionuar ku banonte atëherë Barack Obama. Ata folën edhe për vitet në Shtëpinë e Bardhë dhe rritjen e vajzave të tyre, Malia dhe Sasha.
Intervista u zhvillua në kuadër të hapjes së Qendrës Presidenciale Obama në pjesën jugore të Çikagos, zonë me të cilën lidhen shumë prej momenteve më të rëndësishme të jetës së familjes.
Barack dhe Michelle Obama kanë folur hapur për dashurinë, sfidat dhe mbështetjen që i kanë dhënë njëri-tjetrit gjatë pothuajse 34 viteve martesë.
Në një intervistë të përbashkët për revistën “People”, ish-presidenti amerikan e përshkroi Michelle Obamën si një grua të veçantë, integriteti, inteligjenca dhe vlerat e së cilës e kanë ndihmuar të bëhet njeri më i mirë.
“Vetëm duke qenë me të, unë u bëra më i mirë dhe ajo vazhdon të më bëjë të tillë”, deklaroi Barack Obama.
Michelle, nga ana tjetër, tha se ata janë “ekuilibri i njëri-tjetrit”. Ajo pranoi se pa Barackun jeta e saj mund të kishte qenë e bukur, por më e kufizuar dhe me më pak ndikim.
Sipas ish-zonjës së parë, bashkëshorti i saj e ndihmoi të mendonte më gjerësisht për mundësitë që kishte, përtej profesionit si juriste. Ajo e cilësoi Barackun si njeriun që i dha kurajë dhe që e siguroi vazhdimisht se do të ishte pranë saj, pavarësisht uljeve dhe ngritjeve.
Ndërsa Michelle tha se bashkëshorti i zgjeroi horizontin, ish-presidenti theksoi se ajo është personi që e mban me këmbë në tokë.
Çifti kujtoi gjithashtu fillimet modeste të lidhjes në Çikago, takimet e para dhe apartamentin e vogël pa ajër të kondicionuar ku banonte atëherë Barack Obama. Ata folën edhe për vitet në Shtëpinë e Bardhë dhe rritjen e vajzave të tyre, Malia dhe Sasha.
Intervista u zhvillua në kuadër të hapjes së Qendrës Presidenciale Obama në pjesën jugore të Çikagos, zonë me të cilën lidhen shumë prej momenteve më të rëndësishme të jetës së familjes.
Burimi;https://www.youtube.com/watch?v=_5aeHGFYI-0