Vendimi i shpallur më 16 shtator ndaj ish-krerëve të Ushtrisë Çlirimtare të Kosovës ka sjellë reagime të shumta në opinionin publik dhe në rrjetet sociale. Mes personazheve që kanë reaguar janë edhe disa figura të njohura të ekranit shqiptar, të cilat kanë shprehur hapur kundërshtinë ndaj vendimit.

Sipas raportimit, aktgjykimi ndaj Hashim Thaçit, Kadri Veselit, Jakup Krasniqit dhe Rexhep Selimit është i shkallës së parë dhe mund të apelohet.

Moderatorja Bora Zemani ka reaguar me tone të ashpra, duke shkruar se historia dhe sakrifica për liri nuk mund të zhbëhen apo të dënohen nga një vendim gjyqësor.

Edhe Selin Bollati ka ndarë një reagim në rrjetet sociale, duke kundërshtuar vendimin e Dhomave të Specializuara në Hagë.

Ndërkohë, Benita Zena ka ripostuar reagimin e kryeministrit Edi Rama, duke e shoqëruar atë vetëm me fjalën “MARRE”, të shkruar me germa të mëdha.

Kader Kicaj ka publikuar pamje nga salla e gjyqit me mesazhin: “Jo në emrin tim. UÇK, gjithmonë me ty.” Në të njëjtën linjë ka reaguar edhe Gresa Gashi, e cila ka shkruar: “Kurrë në emrin tim UÇK”, duke e shoqëruar mesazhin me një zemër të kuqe.

Reagimet e tyre pasqyrojnë debatet dhe emocionet e forta që vendimi ka nxitur në publik.

]