E fshehur në një bodrum, e irrituar dhe jashtë kontrollit. Muret, dyshemeja dhe shkallët të pushtuara nga dhjetra fotografi femrash, si simbol i pabesisë që ka rrethuar bukuroshen.
Ky është prologu i një projekti të ri, i një kënge të re. Ky është mesazhi për ata që qeshin pas shpine dhe skena ku përjetohen emocionet e trishta e revoltuese të thyerjes së zemrës. Një çmendinë në fare pak metra katrorë, e blinduar me fytyra, dyshime, braktisje dhe ringritje më e fortë se më parë. Kjo është një video e re qw titullohet “Kesh kesh” nga Dhurata Dora.
“Qysh e lype zemër e ke gjet, po t’kallzoj që vetëm ke me mbet’, tjetërkush ka me dit’ se unë vlej, më mirë leje krejt’. Se di ku je m’su ama jo me kët’ çik…” thuhet në tekst.
Çdo përvojë negative të bën më të fortë dhe të lejosh dikë, të gabojë për së dyti, ndoshta nuk është fort e këshillueshme. Ndërthurur ky mesazh me një ritëm ndjellës dhe një imazh magnetik si ai i Dhurata Dorës, ka sjellë një produkt spektakolar, që të bën të brofësh vendit e të rrëmbesh parnerit për t’i dhënë një mësim të mirë vallëzimi.
Link: https://www.youtube.com/watch?v=lqz_v7Q2w0U