Tashmë të mbash “tatuazhe” në pjesë të trupit është bërë një prej gjërave të zakonshme në jetën e njerëzve. Madje përmes kësaj mënyre ata zgjedhin që të krijojnë pamje të reja në trupin e tyre përmes gjërave, shkrimeve dhe emrave që kanë shumë rëndësi në jetën personale.
Kjo gjë iu pëlqen njerëzve sidomos atyre që janë personazhe publikë, në veçanti artistave. Rita Ora është e njohur për tatuazhet që ka në trup, madje ajo në një stil unik ka të gdhendura në pjesë të trupit gjëra që për të paraqesin një rëndësi shumë të madhe.
Edhe pse të shumta në numër Ritës po i duken të pamjaftueshme ato, për këtë shkak ka vendosur që të krijojë dy tatuazhe të reja. Kështu të paktën ka lënë të kuptohet në disa foto në instastory, ku Rita shihet në një hapësirë ku bëhen tatuazhet.
Dhe siç po duket në foto ajo nuk do të bëjë vetëm një por dy, një në një pjesë të dorës dhe një rreth veshit të saj. Se çfarë ka bërë ajo është diskrete, shpresojmë që Rita ta zbulojë ndërkohë.
Burimi i fotos kryesore: https://www.instagram.com/p/BcnFASFhZcD/?taken-by=ritaora