Për humbjen e kombëtares së Shqipërisë ndaj asaj të Skocisë, plot kritika janë bërë publike nëpërmjet rrjeteve sociale. Mes tyre dhendet edhe ajo e kantautorit të mirënjohur, Elton Deda.
Në një status në rrjetet sociale, ndër të tjera ai theksonte se: ”Nuk do e dëgjoj më temën e muzikës së nation league përzierë me një motiv lahute të edituar në Melodinë”, aq sa disa portale e interpretuan dhe e cilësuan si kritikë e Dedës për këngën “Kuq e zi” të Flori Mumajesit dhe Elvana Gjatës.
Deda nuk e ka pranuar këtë kontekst dhe reagon ashpër, këtë herë ndaj disa portaleve. Ai u thekson se statusi i tij nuk ishte aspak kritikes për këngën e Florit dhe Elvanës dhe se për këtë do të marrë masa ligjore ndaj portaleve.
“Një grup port-halesh sot kanë publikuar një status timin i cili kritikon një lahutë ( instrument popullor monokordik), i futur pa shije ( mendimi im) në temën e kompozuar nga një KOMPOZITOR I HUAJ, i Uefa Nations League. Ju sqaroj këtyre njerëzve të papërgjegjshëm që posti im NUK KA lidhje fare me kritika për këngën “Kuq e Zi” kompozuar nga Flor Mumajesi dhe kënduar nga Elvana Gjata. Nëse do doja të kritikoja këngën e tyre, kam aq kredibilitet dhe miqësi me të dy saqë tua them përballë. Për këto portale unë do marr masa ligjore pasi unë nuk u bie njerëzve në qafë kot se koti dhe nuk do ketë askush të drejtë të shpifi mbi figurën time apo të miqve të mi”, shkruan mjaft i revoltuar Elton Deda.
Link: https://www.facebook.com/tondeda
Burimi i fotos kryesore: https://www.facebook.com/photo.php?fbid=10212332924546995&set=a.1742211243854&type=3&theater