Në fakt, të gjithë ata që duan udhëtimet, e dinë se çdo vend ka veçantitë e tij dhe se duhet udhëtuar shumë, gjatë jetës. Mirëpo, disa vende, ndryshe nga të tjerët, janë një domosdoshmëri! Londra ka arsyet e saj:
Pamjet e famshme
Big Ben, pallati Buckingham, syri i Londrës etj. Lista e ndërtesave të veçanta vazhdon. Nuk ka eksperiencë më të veçantë se të hipësh në një autobus dykatësh dhe të shohësh disa nga pamjet më të njohura në botë të Londrës.
Pazari
Si në rastin kur ke një portofol plot për ta harxhuar, si në rastin kur nuk ke shumë para me vete, Londra mbetet një nga vendet më të mira për të bërë pazar. Do të habiteni nga numri i njerëzve në rrugët e Oksfordit, nga çmimet në Knightsbridge dhe nga butiqet në rrugën Carnaby.
Jeta e natës
Anglezët mund të punojnë shumë, por ata pëlqejnë edhe të kënaqen gjatë natës, sidomos ata që jetojnë në Londër. Ke mundësi të shkosh në pube klasike, në bar restorante, në turnetë e këngëtarëve të njohur botërorë, apo në një shfaqje të caktuar në teatër. Yjet e njohur të skenës botërore dhe shfaqjet më të njohura gjithmonë bëjnë një ndalesë në kryeqytetin e Anglisë, ndaj duhet të jeni plotësisht të sigurtë se do të gjeni diçka që do ju tërheqë gjatë netëve në Londër.
Historia
Historia e Londrës është e gjatë dhe dramatike. Një pjesë e mirë e kulturës së Londrës është rrjedhojë e historisë së saj, të cilën mund ta mësoni nga vizitat në muzetë dhe vendet historike në Londër. Nëse e vizitoni këtë qytët, sigurohuni të shkoni dhe në pallatin Hampton Court dhe do të mahniteni nga bukuritë e tij.
Linku: https://www.thebraggingmommy.com/7-reasons-why-you-should-visit-london-at-least-once-in-your-lifetim
Foto: Freepek.com