Aktorja amerikane, Kyle Richards u përlot ndërsa po diskutonte ndarjen e saj zemërthyese me ish-bashkëshortin, kërcimtarin, Mauricio Umansky.
Ylli i “Real Housewives of Beverly Hills”, 54 vjeçe, iu desh të ndalonte për një moment për të mbledhur mendimet e saj dhe për të fshirë sytë kur tema u ngrit në panelin e Las Vegas.
“Ne e duam shumë njëri-tjetrin dhe jemi familje pavarësisht se çfarë ndodh”, tha ajo.
“Po mundohemi ta kuptojmë. Ne e dimë që e duam njëri-tjetrin”, shtoi ajo.
Zëri i saj u ngulfat dhe turma filloi të brohoriste emrin e saj, siç shihet në një video tanimë virale, ndërsa ajo vazhdoi: “Unë thjesht dua të them, shumë njerëz mendojnë: “Çfarë po bën? Rregullo gjithçka”. Natyrisht, kjo është ajo që unë do të dëshiroja. Kjo nuk është ideja ime për përrallën time, qartë.’
Shpërthimi emocional erdhi menjëherë pasi Kyle iu referua publikisht ndarjes së saj tronditëse nga Mauricio si një “divorc” për herë të parë.
Tre muaj pasi zbuloi se ata u ndanë, por ende jetonin nën të njëjtën çati, megjithëse në dhoma të ndryshme, ajo foli për mënyrën sesi martesa e saj e tensionuar ka ndikuar tek ajo.
“Kam kaluar shumë këtë vitin e kaluar. Humbja e mikut tim më të mirë për shkak të vetëvrasjes më ndryshoi. Duke kaluar divorcin tim, gjithçka më ka bërë më të fortë, por padyshim që të ndryshon ty si person. Ndihem mirë”, tha ajo.
Kur u pyet nëse ka “ndonjë shans për pajtim” mes saj dhe Umanskys, ylli i “Halloween” kishte një përgjigje të koklavitur.
“Jam mirënjohëse që shkojmë kaq mirë dhe e duam shumë njëri-tjetrin dhe po e vendosim familjen tonë të parën”, tha Richards.
Linku: https://www.geo.tv/latest/517687-kyle-richards-gets-teary-while-addressing-mauricio-umansky-split