‘Vajza po lëndonte veten nga bullizmi’, Julia bën rrëfimin prekës për arsyen e largimit nga Shqipëria

Julia ka ardhur me një rrëfim prekës për të bijën dhe arsyen e largimit nga Shqipëria.

Aktorja u shpreh se ka qenë e vështirë pasi e bija ishte 13 vjeç dhe po bullizohej shumë në shkollë.

Julia tha se të bijën e ka rritur vetë dhe ka qenë e vështirë pas një lëvizje të tillë.

‘Isha vetëm me një vajzë 13 vjeçe. Unë ika nga Shqipëria sepse më bullizuan vajzën. Jam larguar brenda një muaji, se vajza po fillonte të priste krahët. Nuk doja ta humbja. Nuk do rrija të zgjidhja çështjet e Shqipërisë në atë kohë. Ndodhi në shkollë.

Unë e kam rritur vajzën vetë, çdo ditë, çdo sekondë dhe kur sëmurej e ndjeja dy ditë para, se i ndjeja frymëmarrjen, i ndjeja erën.

Kur e rrit fëmijën vet, i di të gjitha. E shikoja që kishte ca sjellje, por mendova që është ndryshimi i moshës.

Ajo rrinte me bluza me mëngë të gjata, kur një ditë sesi e kapa për dore dhe ju ngrit bluza. Pashë shenja të prera. Ja ngrita mëngët dhe pashë që në të dyja krahët kishte të prera. Atëherë më iku mendja’, tregon ajo.

Linku:https://www.instagram.com/p/C4IgGWWMR_T/

Burimi i fotos:https://www.instagram.com/p/C4IgGWWMR_T/