Miliarderi Rupert Murdoch, i cili pas pak ditësh do të festojë ditëlindjen e tij të 93-të, është fejuar me partneren Elena Zhukova.
Pas fejesës, ai pritet edhe të martohet së shpejti megjithëse nuk është specifikuar data.
Dasma e manjatit të medias me të dashurën 67-vjeçare ruse do të mbahet në pronën e tij në Kaliforni.
Lajmin për fejesën e 92-vjeçarit me biologen e njohur, e cila u largua nga Rusia dhe jeton prej tre dekadash në Shtetet e Bashkuara, u raportua fillimisht nga New York Times.
Elena Zhukova ka qenë e martuar më parë me miliarderin rus të naftës Alexander Zhukov, ndërsa vajza e tyre Dasha, një biznesmene, ishte e martuar me oligarkun rus Roman Abramovich deri në vitin 2017.
Dasma e afërt vjen vetëm disa muaj pasi Murdoch dha dorëheqjen si kryetar i rrjetit televiziv Fox News, duke i dhënë fund një karriere prej më shumë se shtatë dekadash në krye të një perandorie prestigjioze mediatike.
Linku: https://www.independent.co.uk/news/uk/rupert-murdoch-wife-engaged-elena-zhukova-jerry-hall-b2509248.html