Venus Williams dhe sëmundja e rrallë autoimune nga e cila vuan: “U deshën shtatë vjet derisa u diagnostikova”
Legjenda e tenisit foli për përvojën e saj me sindromën Sjögren, një gjendje e rrallë që prek vetëm 2 për qind të popullsisë së botës.
Ylli i sportit Venus Williams (44), fituesja e shtatë Grand Slams dhe motra më e madhe e Serena, ka zbuluar betejën e vështirë me të cilën po përballet për më shumë se një dekadë pasi u diagnostikua me sindromën Sjögren, një sëmundje e rrallë autoimune që pengon gjëndrat e trupit të prodhojnë lagështinë e nevojshme.
Gjatë një interviste për Harper’s Bazaar, Williams ka rrëfyer se si jeta e saj ndryshoi që kur ajo ka pasur këtë sëmundje, e cila ndikoi veçanërisht në karrierën e saj në tenis. “Kjo më testoi në një mënyrë që nuk e kisha përjetuar kurrë më parë (…) Kisha të gjitha llojet e simptomave, gjë që ishte një sfidë e madhe si atlet. Kur bie, e shtyn veten aq shumë sa që fjalë për fjalë nuk mund të ngrihesh. ”, ka rrëfyer.
“U deshën shtatë vjet derisa u diagnostikova me sëmundjen. Ishte një udhëtim mendor. Nuk po e arrija potencialin tim të plotë dhe nuk e dija pse. A po punoja shumë? Çfarë po bëja gabim? Kjo kërkon shumë , dhe nuk është e lehtë të futesh në fushë kur nuk ke shumë për të dhënë”, tha atletja.
Sindroma Sjögren është një sëmundje që shkakton sistemin imunitar të sulmojë gabimisht indet e shëndetshme dhe shkaqet e saj janë ende të panjohura. Disa simptoma përfshijnë thatësi në sy, gojë dhe në të gjitha mukozat që lubrifikojnë dhe zbutin organe si laringu dhe trakeja, madje mund të prekë veshkat dhe mushkëritë. Në disa raste, mund të çojë gjithashtu në probleme me veshkat, ulçera, infeksione në gjëndrat e pështymës ose pankreatit, si dhe skuqje të lëkurës, dhimbje kyçesh, lodhje, kollë të vazhdueshme dhe simptoma të tjera.
Linku: https://www.mundoamerica.com/celebrity/2024/09/11/66e1654221efa052738b458d.html
Burimi i fotos:https://www.instagram.com/