Emma Stone ka tërhequr gjithë vëmendjen në tapetin e kuq të Oscars 2026, duke u shfaqur me një paraqitje elegante dhe plot shkëlqim.
Aktorja 37-vjeçare u shfaq me një fustan të bardhë të punuar me dorë nga Louis Vuitton, i cili binte në sy për detajet e tij të rafinuara. Në pjesën e përparme, fustani kishte një prerje klasike me jakë katrore dhe mëngë të shkurtra, duke ruajtur një stil të thjeshtë dhe elegant. Por ajo që e bëri veshjen edhe më të veçantë ishte pjesa e pasme: një dekolte e thellë që i jepte një prekje sensuale gjithë look-ut.
Stone kompletoi paraqitjen me grim nga Louis Vuitton, duke përdorur nuanca neutrale për sytë dhe një buzëkuq elegant, ndërsa flokët e saj në stil bob me nuancë bakri ishin stiluar lehtë me onde në maja, duke i dhënë një pamje glamuroze.
Përveç paraqitjes në tapetin e kuq, Emma Stone është edhe në garë për çmimin “Aktorja më e mirë” për rolin e saj në filmin Bugonia. Me këtë nominim, ajo ka arritur një tjetër rekord në karrierë, duke u bërë gruaja më e re që arrin shtatë nominime për Oscar.
Më herët, rekordi mbahej nga Meryl Streep, e cila kishte arritur nominimin e saj të shtatë në moshën 38-vjeçare. Megjithatë, Streep vazhdon të mbajë rekordin absolut për numrin më të madh të nominimeve në histori, me gjithsej 21 të tilla.
Në një deklaratë, Stone falënderoi Akademinë dhe ekipin e filmit Bugonia, duke vlerësuar veçanërisht bashkëpunimin me regjisorin Yorgos Lanthimos dhe kolegët e saj.
Karriera e saj në Oscars ka qenë e suksesshme ndër vite: ajo ka fituar çmimin për “Aktorja më e mirë” për La La Land dhe Poor Things, ndërsa ka marrë edhe nominime të tjera për role dytësore dhe si producente.
Emma Stone vazhdon të mbetet një nga figurat më të spikatura të sezonit të çmimeve, duke kombinuar suksesin artistik me paraqitje mbresëlënëse në tapetin e kuq.
Burimi: https://people.com/2026-oscars-emma-stone-wears-shimmering-white-backless-gown-11926670
Foto:https://www.instagram.com/p/C4aMEjjrmQY/?hl=en