Sulmuesi i Përfaqësueses së Kosovës, Astrit Selmani, ka ndarë lajmin e veçantë me ndjekësit.
Pak ditë pasi shënoi gol me ekipin e tij, skuadrën izraelite Hapoel Beer Sheva, Selmani duket se po feston sukese edhe në jetën personale.
Futbollisti ka bërë me dije se do te bëhet baba për herë të parë.
Lajmin e bërë të ditur vetë ai nëpërmjet një fotografie të publikuar në Instagram, ku shfaqej me partneren e tij, teksa i mbanin duart te barku i saj i rrumbullakosur.
“Së shpejti do të jemi tre”, shkroi Selmani bashkangjitur me fotografinë.
Kujtojmë këtu se sulmuesi kosovar u largua nga skuadra e tij e mëparshme, Hammarby në korrik për tu transferuar në skuadrën e tanishme izraelite Hapoel Beer Sheva.
Linku: https://www.instagram.com/stories/astritselmanii/2914252180517126672/
Burimi i fotos: pexels.com