Princi William jetoi si “student i zakonshëm” në St Andrews, aty ku nisi historia e dashurisë me Kate Middleton

Princi William i Britanisë së Madhe, trashëgimtari i fronit, arriti të përjetojë një jetë relativisht të zakonshme gjatë viteve të tij universitare në fillim të viteve 2000 në Universitetin e St Andrews në Skoci  një periudhë që shënoi edhe fillimin e historisë së tij të dashurisë me Kate Middleton.

Universiteti dhe studentët bashkëpunuan për të ruajtur privatësinë e tij, duke i mundësuar një eksperiencë sa më normale, larg presionit të vazhdueshëm mediatik që shoqëron familjen mbretërore.

William u regjistrua në vitin 2001, fillimisht në degën e historisë së artit ku edhe u njoh me Kate Middleton përpara se të kalonte në gjeografi, degë në të cilën u diplomua në vitin 2005.

Gjatë studimeve, ai mori pjesë në aktivitete të zakonshme studentore si sportet, jetesa në konvikt dhe jeta sociale në kampus. Për të ruajtur këtë normalitet, madje u arritën marrëveshje me median që të respektonte privatësinë e tij, ndërsa studentët u inkurajuan të mos shpërndanin informacione për të.

Historia e dashurisë mes William dhe Kate nisi fillimisht si miqësi, përpara se të kthehej në një lidhje romantike. Një moment i famshëm ishte një sfilatë bamirësie studentore, ku Kate mori pjesë dhe tërhoqi vëmendjen e princit.

Sot, Universiteti i St Andrews konsiderohet shpesh si një vend simbolik për histori dashurie mes studentëve, pikërisht falë çiftit mbretëror që u njoh aty dhe më pas u martua në vitin 2011.

Burimi; https://www.cheatsheet.com/news/very-strange-way-prince-william-ordinary-college-experience.htm

Foto;https://www.instagram.com/williamprince/?hl=en