Pas vitesh aludimesh për një raport të ftohtë mes tyre, motra e Dafina Zeqirit ka vendosur të flasë publikisht dhe të sqarojë marrëdhënien që kanë.
Besa ka treguar se, pavarësisht spekulimeve, lidhja me këngëtaren mbetet e fortë dhe e mbushur me dashuri e respekt. Ajo theksoi se diferenca e tyre në moshë është vetëm dhjetë muaj, çka i ka bërë gjithmonë të ndihen pothuajse si binjake.
“E respektoj dhe e dua motrën time pafund. Nëse nesër marr një telefonatë ku dikush më thotë ‘motrës tënde i duhet një veshkë’, unë jam aty për t’ia dhënë”, është shprehur Besa me emocion.
Duke folur për suksesin e Dafinës, ajo vlerësoi rrugëtimin dhe karrierën që këngëtarja ka ndërtuar ndër vite, duke e cilësuar atë si një perandori të krijuar me shumë punë dhe përkushtim.
Sa i përket pranisë së saj në dasmën e Dafinës, Besa e përshkroi atë si një “hap të mirë” dhe një “kujtim të bukur”, duke lënë të kuptohet se marrëdhënia mes tyre po vazhdon në një frymë pozitive.
Megjithatë, ajo theksoi se secila prej tyre tashmë ka krijuar familjen e vet dhe ndodhet në një fazë të ndryshme të jetës, gjë që ndikon edhe në mënyrën se si e jetojnë raportin motër e motër.
Deklarata e Besës vjen si përgjigje ndaj zërave që prej vitesh kanë qarkulluar për një distancë mes saj dhe Dafina Zeqirit, duke treguar se pavarësisht rrugëve të ndryshme që kanë ndjekur, dashuria dhe respekti mes tyre mbeten të pandryshuara.
Burimi;https://www.instagram.com/dafina.zeqiri/
Foto;https://www.instagram.com/dafina.zeqiri/