Mes batutave, Kryemadhi u shpreh se jeta si beqare mund të jetë më e qetë dhe më e këndshme sesa të kesh pranë një person që të krijon presion apo të qëndron vazhdimisht “mbi kokë”.
“Është më mirë të jesh single sesa të kesh dikë mbi kokë”, u shpreh ajo, duke shkaktuar reagime dhe buzëqeshje në studio.
Sipas saj, kjo periudhë e jetës është një mundësi për t’i kushtuar më shumë rëndësi vetes, qetësisë dhe gjërave që e bëjnë të ndihet mirë. Kryemadhi la të kuptohet se po e shijon këtë fazë pa ndier nevojën për të hyrë në një lidhje të re.
E pyetur nëse e sheh veten me një partner tjetër në të ardhmen, ajo reagoi me humor, duke thënë se nuk e imagjinon veten pranë dikujt tjetër. Në batutën e saj, ajo shtoi se një partner i mundshëm do të duhej të “mbante brekët e të tjerëve”, një koment që u interpretua si mënyrë për të theksuar se nuk e ka në plan të nisë një marrëdhënie të re.
“Nuk e imagjinoj të kem më një partner”, deklaroi Kryemadhi.
Deklarata e saj vjen në një kohë kur figura politike ka zgjedhur të flasë më lirshëm për anën personale, duke e vendosur theksin te pavarësia, lumturia individuale dhe përkushtimi ndaj vetes.
Burimi;https://www.youtube.com/watch?v=oD9voNLTRZI
Foto;https://www.instagram.com/p/DZSFS-dgsaL/?hl=en&img_index=1