Me datën 1 qershor, në festën e fëmijëve, Efi Gjika publikoi klipin e këngës së saj “Happy Birthday”.
Një këngë kjo argëtuese dhe shumë tërheqëse, ndërkohë që është e posaçme për festën e ditëlindjes së çdo personi.
Ndërkohë së fundmi në kanalin e saj zyrtar në You Tube, Efi Gjika ka publikuar edhe parpaskenat e xhirmit dhe promovimit të këngës së saj “Happy Birthday”.
Në këtë video tregohet kënaqësia dhe përpjekja e Efit, për të realizuar idenë e saj origjinale për xhirimin e klipit.
Efi udhëtoi drejt Pragës për të xhiruar klipin e saj, ndërkohë që ka ndarë me publikun edhe momentet e kur takohet me Ellie Lollipopz (Eliska), pikërisht vajzën e cila festonte ditëlindjen.
Ellie Lollipopz (Elka) ishte vajza fatlume, e cila fitoi konkursin e shpallur nga Efi në Instagramin e saj efigjika. Në ditëlindjen e saj, Efi e surprizoi duke i kënduar këngën “Happy birthday”, të cilën tashmë e ka publikuar për publikun në kanalin e saj në You Tube.
Po ashtu Efi ka publikuar edhe momentet e promovimit të klipit “Happy Birthday”, në ambientet e Amfiteatrit pranë Liqenit Artificial, ku ishin të pranishëm shumë qytetarë.
Kujtojmë se Efi Gjika u bë e njohur për audiencën shqiptare, pasi përfaqësoi Shqipërinë me këngën “Barbie”, në festivalin “Junior Eurovizion Song Contest 2018”.
Link: https://www.youtube.com/watch?v=8j9SgZnqx88
Link dhe burimi i fotos: https://www.youtube.com/watch?v=kTEniVsNkoE