Kristi Lamaj ka folur për eksperiencën e tij në “Big Brother VIP 5”, suksesin që ka marrë pas përfundimit të programit, projektet në ekran dhe pasionin për muzikën.

I ftuar në emisionin “Wake Up”, Kristi tregoi se pjesëmarrja në reality show ka qenë një hap i rëndësishëm në rrugëtimin e tij, pasi i dha mundësinë të prezantohej më nga afër me publikun.

“Ishte shumë e rëndësishme që më njohu publiku”, u shpreh ai, duke theksuar se eksperienca në shtëpinë e BBVIP i ka sjellë më shumë vëmendje dhe mundësi të reja.

Gjatë intervistës, Kristi ndau detaje edhe për planet e tij të ardhshme në ekran. Ai la të kuptohet se po punon për projekte të reja, ndërsa nuk e ka lënë pas dore as muzikën, të cilën e konsideron një prej pasioneve të tij më të mëdha.

Ish-banori foli gjithashtu për raportet dhe situatat e krijuara me banorët e tjerë të BBVIP 5, duke pranuar se disa marrëdhënie kanë kaluar nëpër momente të vështira. Megjithatë, ai u shpreh se përpiqet t’i shohë të gjitha përvojat si pjesë të një rruge që e ka ndihmuar të rritet personalisht dhe profesionalisht.

Pas daljes nga “Big Brother VIP 5”, Kristi Lamaj duket se është i vendosur të shfrytëzojë vëmendjen e publikut për të ndërtuar një kapitull të ri në karrierën e tij.

Burimi;https://www.instagram.com/p/DdRefMADTQN/?hl=en&img_index=1

Foto;https://www.instagram.com/p/DdRefMADTQN/?hl=en&img_index=1