Acromax Media nderon Tenis Vllaçajn me Çmim Mirënjohjeje për kontributin në Miss Universe Albania
Acromax Media GmbH ka vlerësuar moderatorin dhe prezantuesin Tenis Vllaçaj me një Çmim Mirënjohjeje, në shenjë vlerësimi për kontributin e tij si prezantues zyrtar i spektaklit Miss Universe Albania që prej vitit 2022.
Në certifikatën e firmosur nga CEO i kompanisë, Aldor Nini, theksohet se profesionalizmi, karizma dhe përkushtimi i Vllaçajt në ekran kanë luajtur një rol të rëndësishëm në rritjen e audiencës së spektaklit, duke ndikuar në zgjerimin e shikueshmërisë dhe angazhimit të publikut në platformat dixhitale, veçanërisht në YouTube dhe Instagram.
Acromax Media vlerëson se puna dhe përkushtimi i moderatorit kanë kontribuar ndjeshëm në promovimin dhe suksesin e vazhdueshëm të Miss Universe Albania, duke e kthyer atë në një nga figurat më të identifikuara me konkursin gjatë viteve të fundit
.
Përmes këtij çmimi, kompania shpreh mirënjohjen dhe respektin e saj për ndikimin pozitiv që Tenis Vllaçaj ka pasur në zhvillimin dhe rritjen e profilit të Miss Universe Albania, si në ekran ashtu edhe në hapësirën dixhitale.