Turneu botëror rekord i Bad Bunny nënvizon fuqinë në rritje të tregjeve globale të turneve dhe popullaritetin në rritje të muzikës latine, thotë ekspertja e muzikës Latine Leila Cobo për Reuters .
Bad Bunny përfundoi turneun e tij “DeBi TiRAR MaS FOToS” në Bruksel, duke u bërë artisti i parë latino-amerikan që ka gjeneruar më shumë se 1 miliard dollarë të ardhura totale nga turnetë koncertale bëhet e ditur nga Billboard teksa ka performuar ekskluzivisht në gjuhën spanjolle.
Muzika në gjuhën spanjolle është tregu rajonal me rritje më të shpejtë, tha Cobo. Muzika në anglisht është akoma forca mbizotëruese, por çdo vit është më pak dominante.
Raporti i Federatës Ndërkombëtare të Industrisë Fonografike të vitit të kaluar tregoi se të ardhurat e regjistruara të muzikës së Amerikës Latine u rritën 17.1% në 2025, duke shënuar vitin e 16-të radhazi të rritjes së rajonit.
” Dikur ishte thjesht pop, artistë si Ricky Martin, Marc Anthony, etj. Tani ju gjeni artistë nga të gjitha zhanret, përfshirë muzikën meksikane, e cila ende tingëllon shumë qartë”, tha Cobo.
Kjo nuk është hera e parë që artisti shkruan histori. Në vitin 2020, albumi “El Último Tour del Mundo” u bë albumi i parë në gjuhën spanjolle që arriti vendin e parë në klasifikimin Billboard 200.
Dy vite më vonë, ai u bë artisti i parë joanglishtfolës që kryesoi renditjen vjetore Top Artists.