Elita Rudi dhe Gjiko festojnë 10-vjetorin e lidhjes, moderatorja ndan foto nga fillimet e romancës

Prezantuesja Elita Rudi dhe reperi Gjiko kanë shënuar një moment të veçantë në historinë e tyre të dashurisë, duke festuar 10-vjetorin e lidhjes.

Me rastin e këtij përvjetori, Elita ka ndarë me ndjekësit e saj në Instagram disa fotografi nostalgjike nga arkiva, të cilat pasqyrojnë rrugëtimin e çiftit që nga fillimet e romancës së tyre në vitin 2016 e deri më sot.

Në imazhet e publikuara, moderatorja ka sjellë kujtime nga momentet e para me Gjikon, përfshirë edhe një foto që lidhet me puthjen e tyre të parë. Krahas saj, ajo ka shkruar: “Nuk e dinim… por puthja jonë e parë ishte vetëm pak momente larg”.

Elita e ka përmbyllur kolazhin me një fotografi familjare së bashku me reperin dhe dy fëmijët e tyre, djalin Zëri dhe vajzën Bota. Në dedikimin për partnerin, ajo është shprehur: “10 vite më vonë… ende personi im i preferuar”.

Çifti, i cili prej vitesh është një nga më të komentuarit në showbizin shqiptar, vazhdon të ndajë herë pas here momente të veçanta nga jeta familjare me ndjekësit e tyre.