Ndarjet mbeten një nga përvojat më të vështira emocionale, pavarësisht sa herë i përjetojmë. Edhe pse nuk ekziston një formulë e saktë për ta kaluar një lidhje që ka përfunduar, ekspertët theksojnë se ka disa gabime që duhen shmangur me çdo kusht.
Sipas psikologut dhe autorit Grant Brenner, mënyra si e përballojmë një ndarje është individuale dhe lidhet ngushtë me njohjen e vetes. Megjithatë, ai nënvizon se periudha pas ndarjes kërkon kujdes të veçantë ndaj vetes.
Nga ana tjetër, Elle Huerta, themeluese e aplikacionit “Mend”, thekson një nga gabimet më të zakonshme që njerëzit bëjnë në këto momente: vetëkritikën e tepruar.
“Gjëja më e keqe që mund të bësh është të flasësh me veten negativisht,” shprehet ajo, duke shtuar se shumë persona tentojnë të shmangin ndjenjat duke dalë, konsumuar alkool apo duke u zhytur në aktivitete të tjera.
Edhe Brenner pajtohet me këtë qasje, duke theksuar se vendosja e vetes në plan të dytë është një tjetër gabim i madh. Sipas tij, kujdesi për veten duhet të jetë prioritet, duke përfshirë ushqimin e shëndetshëm, gjumin e mjaftueshëm dhe aktivitetin fizik.
Ekspertët sugjerojnë gjithashtu rëndësinë e një rrjeti mbështetës. Në mungesë të tij, këshillohet të kërkohen persona që ofrojnë mirëkuptim dhe mbështetje emocionale, ndërsa izolimi për periudha të gjata duhet shmangur.
Në fund, mesazhi është i qartë: pas një ndarjeje, mënyra si flasim me veten dhe si kujdesemi për mirëqenien tonë emocionale mund të bëjë diferencën mes një rikuperimi të shëndetshëm dhe një procesi më të vështirë.
Burimi:https://www.psychologytoday.com/us/blog/meaningfull/202402/the-consequences-of-self-talk-when-it-is-negative?utm_source
Foto; Freepik.om