Dyshja më e përfolur e këtij edicioni, pa dyshim është Santiana dhe Buci. Të komentuar pa fund për afrimitetin e krijuar, ata vazhduan të luajnë njësoj, duke qëndruar shumë pranë njëri-tjetrit.
Kjo nuk ndryshoi as kur Bucit i erdhi e dashura e tij në shtëpi, por edhe pas një mesazhi që mori Santiana nga i dashuri i saj.
Ndërsa kohëve të fundit edhe u diskutua nëse Santiana ka me të vërtetë të dashur jashtë.
Sonte, Santianës i erdhi surprizë i dashuri i saj brenda shtëpisë së BBVK. E mbërthyer në emocione të shumta, Santiana nuk mund t’i ndalë lotët. Pasi i dashuri i saj nuk është fytyrë publike dhe deshi ta ruajë privatësinë, ai nuk doli para kamerave.
Por gjithsesi pas hijes ai i dha forcë Santianës për të vazhduar më tutje garën edhe pse ajo i kërkoi që të largoheshin bashkë në shtëpi.
Ai u shpreh që Santiana duhet të tregojë më shumë veten e saj dhe jo të përdoret nga të tjerët pasi nuk po e shpreh dot se kush është ajo në të vërtetë.
Pas takimit, kur u kthye në shtëpi, Santiana i përqafoi të gjithë banorët, ndërsa Bucit i dha vetëm dorën.
Linku: https://www.youtube.com/watch?v=-w4HiyaHNTU&source_ve_path=MjM4NTE&feature=emb_title
Foto: https://www.youtube.com/watch?v=-w4HiyaHNTU&source_ve_path=MjM4NTE&feature=emb_title