Kim Kardashian tallet me dështimin në provimin e jurisprudencës në reklamën e re humoristike

Në videon promovuese, të publikuar në Instagram, 45-vjeçarja shfaqet e ulur brenda një kutie transparente, si pjesë e një instalacioni që ngjan me një muze.

Në një moment, një grua e pyet: “A e kaloi ndonjëherë provimin?”, ndërsa Kim përgjigjet me humor: “Jo. Nuk e kalova. E ngrita nivelin”, duke e kthyer situatën në një batutë.

Reklama vijon me Kardashian në një konferencë imagjinare për shtyp, ku ajo u përgjigjet me ironi pyetjeve të gazetarëve. Kur pyetet se si arrin të bëjë kaq shumë gjëra, ajo thotë: “Njerëzit gjithmonë më pyesin për gjithë punën që kam bërë… jo atë lloj pune”, duke luajtur me komentet që shpesh bëhen për pamjen e saj.

Në një tjetër skenë, Kim shfaqet në një laborator me një paruke bjonde platini, teksa prezanton pijen energjike “Update”.

“Është formuluar nga një ekip ekspertësh, asnjëri prej të cilëve nuk jam unë”, thotë ajo me humor.

Kim Kardashian iu nënshtrua provimit të jurisprudencës në korrik të vitit 2025 dhe disa muaj më vonë konfirmoi publikisht se nuk kishte arritur ta kalonte atë. Megjithatë, ajo duket se ka vendosur ta trajtojë këtë përvojë me sportivitet, duke e shndërruar në pjesë të fushatës së saj të re reklamuese.