Shakira ka tërhequr vëmendjen e ndjekësve në rrjetet sociale pasi rikrijoi një nga fotografitë e saj më të njohura nga fundi i viteve ’90.
Këngëtarja kolumbiane publikoi në Instagram një imazh të ri, pothuajse identik me fotografinë e realizuar në vitin 1997, kur ishte në fillimet e karrierës së saj artistike. Në foton origjinale, Shakira shfaqej e ulur përpara një kompjuteri të vjetër, në një pamje që ndër vite është kthyer në një nga memet më të shpërndara në internet.
Përmes publikimit të ri, artistja solli sërish në vëmendje atë moment të hershëm të karrierës së saj, duke zgjedhur të njëjtin pozim dhe një atmosferë të ngjashme me imazhin e dikurshëm.
“Kam ndjesinë se e kam parë këtë më parë”, shkroi Shakira krahas fotos, duke iu referuar në mënyrë ironike ngjashmërisë mes dy pamjeve.
Postimi ka ngjallur menjëherë reagime të shumta nga fansat, të cilët kanë vlerësuar humorin e saj dhe rikthimin e kësaj fotografie ikonike. Shumë prej tyre kanë ndarë krahasimet mes fotos së vitit 1997 dhe asaj të publikuar së fundmi, duke e kthyer postimin në një nga temat më të komentuara në rrjetet sociale.