“Foto sa për mijëra fjalë”, Lori Hoxha sjell imazhin më të rallë që keni parë deri më sot

Në një situatë të vështirë ku ndodhet vendi që prej tërmetit shkatërrues të 26 nëntorit, të gjithë janë vënë në lëvizje për të ndihmuar ose për të raportuar situatën.

Në krye të detyrës kanë qenë edhe stafi i të gjitha mediave në vend të cilët janë vënë në dispozicion të kësaj ngjarjeje duke raportuar në çdo moment.

Lori Hoxha ka shpërndarë në instagramin e saj foton e një operatori i cili ndërsa punon mban në duar fëmijën e tij që e ka zënë gjumi.

Kjo foto e shkrepur nga fotografi Gerhard Pregapuca ka bërë xhiron e rrjetit dhe konsiderohet si një prej fotove më të bukura të shkrepura prej tij.

Përveç fotos, Lori përmes një mesazhi të gjatë falënderon stafin e “Top Channel” të cilët kanë punuar pa pushim në disa raste edhe me fëmijët me vete, pas mbylljes së shkollave e kopshteve.

“Një foto sa për mijëra fjalë”, e quan Lori foton e shpërndarë në instagramin e saj, ndërsa shton se në situata të tilla e kupton që vetëm duke u bërë bashkë jeta vazhdon.

View this post on Instagram

Një foto sa për mijëra fjalë. Në këto ditë të vështira për të prekurit nga tërmeti që humbën njerëzit e tyre më të dashur, shtëpitë dhe atyre që nga ankthi jetuan nëpër rrugë, Top Channel duhet të raportonte si gjithmonë çdo moment të asaj që po ndodhte, të ndihmonte me informacion, edhe pse kjo kërkon sakrificë dhe mund të madh. Në kohën kur mësimi në shkolla u anullua, por fëmijët e stafit, si shumë fëmijë të tjerë ishin në panik nga lëkundjet, zgjidhja më e mirë ishte që ata të rrinin bashkë me prindërit, edhe nëse atyre u duhej të punonin për një qëllim më të madh. Mbase kjo nuk është idealja, por në të tilla katastrofa kupton se vetëm duke u bërë bashkë jeta vazhdon! Mirënjohëse të gjithë stafit vetëmohues të Top Channel dhe të gjithë atyre që sakrifikuan sado pak nga “normaliteti” i tyre për ti bërë më pak të vështira këto ditë… @topchannelalbania @gerhard_pregapuca_photography

A post shared by Lori Hoxha (@lorihoxha) on Dec 1, 2019 at 10:22am PST

Link: https://www.instagram.com/p/B5iipFLlkHL/

Burimi i fotos: https://www.instagram.com/p/B4sF7AWFGTU/