Indri Shiroka flet pas eliminimit nga “Ferma VIP 3”: I kërkova falje Klevisës, rikthim me Vanesën nuk ka

Aktori Indri Shiroka ka reaguar për herë të parë pas largimit nga “Ferma VIP 3”, duke ndarë reflektime mbi eksperiencën e tij në reality show dhe marrëdhëniet që krijoi gjatë qëndrimit në fermë.

I eliminuar pas mungesës së mbështetjes së publikut, Indri tha se e priti me qetësi fundin e rrugëtimit të tij në garë, duke pranuar se ishte i lodhur emocionalisht dhe fizikisht.

“U ezaurova komplet”, u shpreh ai, duke lënë të kuptohet se largimi nuk ishte një surprizë e madhe dhe as diçka që e përjetoi me keqardhje.

Një nga temat më të komentuara të intervistës ishte raporti i tij me Klevisën. Aktori pranoi se ka reflektuar mbi sjelljen dhe deklaratat e tij, duke treguar se ka kërkuar falje për situatat e krijuara mes tyre.

“Jam penduar, i kam kërkuar falje Klevisës”, tha ai, duke e cilësuar gjithçka si rezultat të një momenti dobësie.

Ndërkohë, i pyetur për mundësinë e një rikthimi me Vanesën pas përfundimit të spektaklit, Indri ishte i prerë në përgjigjen e tij.

“Jo, nuk ka gjasa”, deklaroi aktori, duke lënë të kuptohet se historia mes tyre i përket së kaluarës.

Shiroka komentoi gjithashtu akuzat se marrëdhëniet dhe afrimitetet e krijuara në fermë mund të kenë qenë pjesë e një strategjie loje. Ai mohoi kategorikisht një gjë të tillë, duke theksuar se gjithmonë ka vepruar sipas ndjenjave.

“Nuk di të bëj lojë, e kam paguar naivitetin tim”, u shpreh ai.

Pavarësisht eliminimit, aktori tha se largohet nga “Ferma VIP 3” me ndërgjegje të qetë, pasi beson se ka qenë vetvetja gjatë gjithë eksperiencës së tij në format.

“Largohem me ndërgjegje të pastër”, përfundoi ai, duke nënvizuar se nuk ka asnjë peng nga rrugëtimi i tij në fermë.

Burimi;https://www.instagram.com/indrishiroka/?hl=en

Foto: https://www.instagram.com/indrishiroka/?hl=en